Ажлын туршлага

Ойн тогтвортой менежментийн чиглэлээр сургалтын модуль боловсруулах, нөхөрлөл, ойн мэргэжлийн байгууллага, сум, аймгийн ойн менежментийн төлөвлөгөө боловсруулах, ойн төлөв байдлы тодорхойлох ажлуудыг хийж гүйцэтгэж, туршлага хуримтлуулсан. 2011 оноос одоог хүртэл 130 ойн нөхөрлөл, 7 сум, 3 аж ахуйн нэгжийн ойн менежментийн төлөвлөгөө боловсруулсан. 2023 онд Монгол орны хушин ойн төлөв байдлыг тодоорхойлох судалгааг хийж, зөвлөмж боловсруулсан.

НҮБ-ын Хөгжлийн хөтөлбөрийн төслийн захиалгаар 2022-2023 онуудад зарим аймгийн бэлчээрийн экосистемийн үйлчилгээний дүн шинжилгээ хийх ажлыг гүйцэтгэсэн.

Дэлхийн байгаль хамгаалах сан (WWF) -гийн захиалгаар Байгалийн нөөц газруудын өнөөгийн болон ирээдүйн үр өгөөжийг үнэлэх ажлыг 2023 онд гүйцэтгэсэн.

Баянхонгор, Баян-Өлгий, Говь-Алтай, Ховд, Хэнтий, Дорнод, Төв аймаг,Улаанбаатар хотын ногоон бүс, Богд Хан уулын ДЦГ, Горхи-Тэрэлжийн БЦГ, Булган, Архангай, Увс, Завхан, Хөвсгөл, Архангай зэрэг аймгуудын ойд ойн шавжийн зүйлийн бүрдэл, арви, экологи, биологийн онцлог, хөнөөлийн айдал зэргийг судлах ажлыг 2010 оноос хойш өнөөг хүртэл гүйцэтгэж байна.

Энэ чиглэлээр дараах арга зүй, аргачлалыг боловсруулсан. Үүнд: 
– Ойн хөнөөлт шавжийн хор хөнөөлийг зайнаас тандан судлах аргаар илрүүлэх, судалгаа хийх арга аргачлал, 
– Ойн шавжийн судалгааны арга зүй, 
– Ойн шавжийн мониторингийн судалгааны арга зүй, 
– “Ойн хөнөөлт шавжийн тэмцлийн ажлын үр дүнг үнэлэх, орон зайн тархалтыг тооцох загвар боловсруулах, ойн санд мал бэлчээрлэлтийн нөлөөллийг үнэлэх” ажил,

“Ойн нөхөрлөлд түшиглэн Зүүн Хангайн ойг хамгаалах болон уур амьсгалын өөрчлөлтийг сааруулах нь” төслийг 2021-2024 онуудад Их Британийн Байгаль орчны Витлей Сангийн санхүүжилтээр хэрэгжүүлсэн.

Орхоны хөндийн байгалийн цогцолборт газрын хамтын ажиллагааны уламжлалт мэдлэгийн үнэ цэнийг Швейцарийн хөгжил, хамтын ажиллагааны агентлагтай хамтарч судалж байсан.

НҮБ-ын Хөгжлийн хөтөлбөрийн төслийн захиалгаар 2022-2023 онуудад зарим аймгийн бэлчээрийн экосистемийн үйлчилгээний дүн шинжилгээ хийх ажлыг гүйцэтгэсэн.

“Тэрбум мод” үндэсний хөдөлгөөний зүүн бүсийн зөвлөгөөн зохион байгуулах, үрийн байнгын талбай тусгаарлах, ойжуулалт хийх, байгалийн сэргэн ургалтад туслах, ойн зурвас байгуулах агро ойн аж ахуй байгуулах ажлын зураг төсөл боловсруулсан. Одоогийн байдлаар 5 зураг төсөл боловсруулаад байгаа бөгөөд 1 аймгийн “Тэрбум” мод үндэсний хөдлөлгөөний ТЭЗҮ боловсруулж байна. Мөн 2013 онд ойжуулалтын ажлын норм, норматив үнэлгээ, зардлын нормативыг шинэчлэн боловсруулах ажлыг гүйцэтгэж байсан. “Монгол-Солонгосын ногоон хэрэм” төслийн захиалгаар ойжуулалтын талбай тусгаарлах, бэлтгэх ажлын судалгааг хийж байна.

Дараах стандарт, норматив, атлас боловсруулах чиглэлээр дараах ажлууд гүйцэтгэсэн. Үүнд: 
– “Ойн аж ахуйн арга хэмжээний ажлын арга технологи тус бүрээр зарцуулагдах зардлын нормативыг боловсруулах” ажил 
– “Ойн хөнөөлт шавж, өвчний тархалтын атласын эх боловсруулах” ажил
– “Ойн хөнөөлт шавж, өвчинтэй тэмцэх ажлын стандарт боловсруулах” ажил
– “Ойн хөнөөлт шавж, өвчний тархалтыг тогтоох судалгааны ажил, тэмцлийн ажлын арга технологи тус бүрээр зарцуулагдах зардлын нормативыг боловсруулах

Одоогийн байдлаар ойжуулалтын 1, ойн зурвасын 3, агро ойн аж ахуй байгуулах 2 зураг төсөл боловсруулаад байгаа бөгөөд 1 аймгийн “Тэрбум” мод үндэсний хөдлөлгөөний ТЭЗҮ, 2 аго ойн аж ахуй байгуулах ТЭЗҮ боловсруулж байна.